Allief Zam Billah
Kelangan
Kabur kanginan ngubengi jagad wewayangan
mbok manawa keprungu kabarmu
kang rina tumekane wengi tansah dakanti
apa pancen wis tumeka mangsane
dina – dina endah kacarita
nalika bebarengan, reruntungan
mung cathetan lawas buntel trasi
nyatane tresnamu ora beda tela mangsa ketiga
ilang sirna sakwise grimis tumeka
tangis guyumu nalika semana
kapendhem cidra lan purba
apa ora cukup anggonku nggondheli
sesering cakra ing astamu
mobat mabit kagawa lesus kang tumeka
saben mangsa candhikala
jebul gegayuhanku mung pepaesing impen
sakkedheping netra banjur lunga
ana thelenging wengi kang cinidra
Rembang, 10 April 2011
0 comments:
Posting Komentar